Fel elusen nid-er-elw, rydyn ni’n mynd ati i geisio adeiladu partneriaethau drwy ymgysylltiad a chefnogaeth gorfforaethol, sy’n gweithredu fel dull hanfodol o godi arian gan helpu i sicrhau dyfodol ein sefydliad. Wrth ymuno ag Artes Mundi byddwch yn dod yn rhan o gymuned amrywiol o gwmnïau blaenllaw o Gymru a’r DU sy’n cefnogi ein cenhadaeth o gyflwyno rhagoriaeth mewn celfyddyd weledol gyfoes tra’n creu cyfleoedd ymgysylltu i bobl o bob oed drwy raglenni dysgu trwy brofiad ac addysg arloesol.

Mae Artes Mundi yn gatalydd ar gyfer y celfyddydau a diwylliant yng Nghaerdydd a Chymru. Mae eiriolaeth o’r fath yn hanfodol i’n gwaith ni a phwy rydyn ni’n gweithio gyda nhw ac yn gallu cael effaith bellgyrhaeddol.

Rydyn ni’n gweithio gyda sawl partner corfforaethol i gyflawni ein rhaglen. Er mwyn parhau i ddarparu ein holl raglenni am ddim i’r cyhoedd, mae angen eich cefnogaeth arnom. Gyda chi gallwn gynnal a thyfu mewn ffyrdd sy’n creu ystyr ac arwyddocâd i’r cyhoedd ehangaf. At hynny, gyda’ch cymorth chi, byddwn yn gallu cyflawni ac adeiladu’r gwaddol angenrheidiol, ysbrydoli cenedlaethau’r dyfodol a chreu perchnogaeth sy’n bwydo’n ôl i gymdeithas yn lleol ac yn genedlaethol.

Mae nifer o wahanol ffyrdd y gall y sector corfforaethol gymryd rhan a chefnogi dyfodol Artes Mundi.

– Opsiynau nawdd unigryw neu bartner sy’n canolbwyntio ar ein harddangosfa, seremoni wobrwyo Gwobr Artes Mundi a chynhadledd fforwm artistiaid bob dwy flynedd.

– Opsiynau nawdd unigryw neu bartner sy’n canolbwyntio ar ein digwyddiadau, dysgu, ymgysylltu â’r cyhoedd ac allgymorth cymunedol gan gynnwys gwaith gydag ysgolion, teuluoedd, plant, ac amrywiaeth eang o grwpiau cymunedol yng Nghaerdydd a ledled Cymru; a’n tîm o Gynorthwywyr Ymgysylltu â’r Cyhoedd llawrydd sy’n helpu i gyflwyno ein rhaglenni

– Cydnabyddiaeth ym mhob gohebiaeth mewn print ac ar-lein

– Amlygiad brand ar y cyfryngau cymdeithasol, deunyddiau print, cylchlythyrau a gwefannau prosiect

– Mynediad at rwydwaith egnïol a chreadigol o selogion celf a diwylliant

Rydyn ni’n ffodus i weithio’n agos gyda rhai o’r artistiaid rhyngwladol mwyaf deinamig a blaengar a’u horielau, ac yn gwerthfawrogi ein perthynas â nhw. Mae ein Cylch Orielau yn gymuned o bartneriaid rydyn ni wedi gweithio gyda nhw yn ystod arddangosfeydd Artes Mundi olynol.

Rydyn ni am i bawb allu ymuno â ni fel aelod ac yn union fel y mae ein rhaglen weithgarwch yn hygyrch i bawb, mae ein Cynllun Noddwyr yn agored i bawb. Mae rhodd o £5 yn unig yr un mor bwysig i ni â rhodd o £50,000 ac rydyn ni am sicrhau bod pawb yn gallu cyfrannu a dod yn rhan o Deulu Artes Mundi.