Gan weithio gyda’r grŵp ‘Threads’ a’r artist Menna Buss, datblygodd y prosiect mewn ymateb i waith Nguyen Trình Thi yn Oriel Gelf Glynn Vivian, gan arwain at greu cyfres o tsilis wedi’u crosio ac a ddefnyddiwyd i addurno’r Goeden Nadolig yn yr amgueddfa. Roeddent hefyd wedi cyfrannu at arddangosfa Archwilio yn y Ffatri, Porth, gan weithio gyda Phlant y Cymoedd, ac wedi ymweld â Chapter ac Amgueddfa Genedlaethol Caerdydd ar gyfer teithiau AM10. Gwnaethom hefyd alluogi’r grŵp ‘Threads’ i wneud cysylltiadau ag Aurora Trinity Collective yn ystod y cyfnod hwn. Roedd y prosiect yn cynnwys 17 o gyfranogwyr a chwe gweithdy, pedwar cyfweliad i’w cynnwys mewn podlediadau, testun a gynhyrchwyd fel ‘para-label’, a dau ymweliad cyfnewid, yn ogystal â chynhyrchu tecstilau.