Mae Oriel Gelf Glynn Vivian Abertawe yn chwarae rhan hanfodol mewn cymdeithas leol ac fel rhan o’r ecosystem greadigol ar draws Cymru. Drwy arddangosfeydd, prosiectau cydweithredol, ymgysylltu cymdeithasol, dysgu, allgymorth ac addysg rydym yn gweithio gyda chynulleidfaoedd a chymunedau lleol.

Mae ein rhaglenni’n canolbwyntio ar ragoriaeth, cydraddoldeb, iechyd a lles, gan gefnogi artistiaid a’r mwyaf diamddiffyn yn ein cymdeithas. Rydym yn cefnogi artistiaid lleol drwy arddangosfeydd, gwobrau, caffaeliadau a chyflogaeth, yn ogystal â dod â rhai o artistiaid mwyaf blaenllaw’r byd i Gymru. Rydym yn cyflwyno arddangosfeydd pwysig a chomisiynau newydd. Mae ein casgliad o gelfweithiau a chrochenwaith yn eiddo i bobl Abertawe ac yn ffurfio rhan bwysig o gof diwylliannol y ddinas. Mae Oriel Gelf Glynn Vivian yn sefydliad Portffolio Celfyddydau Cyngor Celfyddydau Cymru ac yn rhan o Plus Tate a Grŵp Celfyddydau Gweledol Cymru