Mae Mounira Al Solh (g 1978, Lebanon, yn byw ac yn gweithio rhwng Beirut ac Amsterdam) wedi cael arddangosfeydd yn Museumsquartier Osnabrück, yr Almaen (2022); Canolfan Celf Gyfoes BALTIC, Gateshead, y DU (2022); Amgueddfa Gelf Mori, Tokyo (2020); Canolfan Gelfyddydau Jameel, Dubai (2018); Mathaf: Amgueddfa Arabaidd Celf Fodern, Doha (2018); a Sefydliad Celf Chicago (2018).

Rachel Dedman yw Curadur Jameel Celf Gyfoes o’r Dwyrain Canol yn Amgueddfa V&A, Llundain, lle mae hi’n curadu arddangosfa deirblwydd Gwobr Jameel ac yn cynnal rhaglenni preswyl a chomisiynu ar gyfer artistiaid. Rhwng 2013 a 2019, bu Rachel yn guradur annibynnol yn Beirut, Libanus, lle bu’n curadu arddangosfeydd ar gyfer sefydliadau, orielau ac arddangosfeydd eilflwydd ar draws y Dwyrain Canol, gan gynnwys Ashkal Alwan, Amgueddfa Sursock, a Chanolfan Gelf Beirut. Mae Rachel yn arbenigo ar decstilau a brodwaith, ac mae’n awdur dau lyfr ar y pwnc. Yn dilyn cyfres o arddangosfeydd ar gyfer Amgueddfa Palesteina, y Lan Orllewinol, curadodd Material Power: Palesteinian Embroidery ar gyfer Kettle’s Yard, Caergrawnt, a The Whitworth, Manceinion, yn 2023/24. Mae hi’n cyd-guradu Arddangosfa Eilflwydd State of Fashion yn yr Iseldiroedd yn 2024.

Mae gan Sarah Mady ddoethuriaeth mewn Anthropoleg o Ganolfan Graddedigion Prifysgol Dinas Efrog Newydd. Mae ei diddordebau ymchwil yn cwmpasu archeoleg mamolaeth, effaith archaeoleg wladychol, ac anthropoleg crefydd a hud a lledrith yn nwyrain Môr y Canoldir. Mae hi wedi’i lleoli yn New Jersey/Efrog Newydd, ac gwnaeth ei gwaith maes yn Libanus, ei gwlad enedigol. Mae hi’n ddarlithydd ym Mhrifysgol Fordham, Efrog Newydd ac yn ddarlithydd ategol ym Mhrifysgol Talaith Montclair, New Jersey.

Mae Amak Mahmoodian (g.1980, Shiraz, Iran) yn artist ac addysgwr amlddisgyblaethol sydd wedi ennill gwobrau. Dechreuodd ei gyrfa fel ffotograffydd seiliedig ar ymchwil yn Iran yn 2003 ym Mhrifysgol Gelf Tehran. Ers 2007, mae hi wedi bod yn byw yn y DU, ac yn 2015 cwblhaodd ddoethuriaeth seiliedig ar ymarfer mewn ffotograffiaeth ym Mhrifysgol De Cymru. Gan weithio gyda ffotograffiaeth, testun, fideo, lluniadau ac archifau ar groestoriad o ffotograffiaeth gysyniadol a dogfennol, mae ymarfer artistig Amak yn archwilio sut mae rhywedd, hunaniaeth a dadleoli yn cael ei gyflwyno, gan bontio bwlch rhwng y personol a’r gwleidyddol. Mae hi wedi cyhoeddi dau lyfr, Shenasnameh ( RRB- ICV Lab, 2016) a gyrhaeddodd y rhestr fer ar gyfer gwobr Rencontres Arles am lyfr yr Awdur Cyntaf, a Zanjir (RRB, 2019) a enillodd wobr Rencontres Arles am y llyfr Testun Lluniau Gorau.