Gwneuthurydd ffilmiau ac artist o Hanoi yw Nguyễn Trinh Thi. Gan groesi’r ffiniau rhwng ffilm a chelfyddyd fideo, gosodwaith a pherfformio, ar hyn o bryd mae ei gwaith yn ymdrin â grym sain a gwrando a’r cysylltiadau lu rhwng delwedd, sain a gofod, gyda diddordebau parhaus mewn hanes, y cof, cynrychioli, ecoleg a’r anhysbys.

Mae gweithiau Nguyễn wedi’u dangos mewn gwyliau ac arddangosfeydd rhyngwladol gan gynnwys Triennale Celfyddyd Gyfoes Asia’r Môr Tawel (APT9) yn Brisbane; Biennale Sydney (2018); Jeu de Paume, Paris; Biennale Lyon (2015); Triennale Celfyddyd Asiaidd Fukuoka (2014); a Biennale Singapore (2013). Yn 2022, mae ei gosodwaith cyfryngau cymysg, And They Die a Natural Death, yn cael ei arddangos yn documenta fifteen yn Kassel, Yr Almaen.