Ymunwch â ni mewn dangosiad ffilm, grŵp darllen a thrafodaeth yn Chapter, dan arweiniad y myfyriwr MFA Curadu, Tom Cullimore. Mae’r digwyddiad arbrofol yma wedi’i ysbrydoli gan ffilm Sonnet of Vermin gan yr artist o Fecsico, Naomi Rincon Gallardo, sy’n arddangos gwaith yn Chapter ar hyn o bryd fel rhan o Artes Mundi 10.

 

 

Byddwn ni’n gwylio ffilm Naomi ac yna’n defnyddio pytiau o ddarn o waith ffuglen ddyfaliadol i wyro ein safbwyntiau ein hunain ar y gwaith celf. Mewn gofod grŵp bach, ymlaciol a pharchus, bydd yna gyfle i drafod y ffilm mewn perthynas â gwleidyddiaeth gwiar, ôl-drefedigaethol ac amgylcheddol.