Arddangosfa Artes Mundi 9

Ar gyfer Artes Mundi 9, mae gosodiad newydd Pachpute yn cael ei lywio’n rhannol gan gyfnod o ymchwil a wnaeth yn Llyfrgell y Glowyr De Cymru yn Abertawe. Cafodd ei daro gan gysylltiadau llafur y dosbarth gweithiol a gan symbolau undod cyfunol rhwng y gwahanol draddodiadau glofaol yn India a Chymru. Er gwaethaf y cyd-destunau gwahanol, i Pachpute mae nodweddion cyffredin yn y ffordd y caiff unigolion, cymunedau a chymdeithasau eu heffeithio pan fydd yr economi’n esblygu, polisïau’n newid a defnydd tir yn cael ei drawsffurfio neu’n cael ei anghofio hyd yn oed, ac yn y ffyrdd o berfformio a welir yn ystod y weithred o brotestio.

Mae waliau’n cael eu gorchuddio mewn golch siarcol ynghyd â chyfres o faneri cynfas ar raddfa fawr fel A march against the lie (IA), gydag eiconograffeg sy’n symud rhwng y personol a’r byd-eang, o undod ac undeb cyfunol i dirweddau wedi’u hysbeilio ac unigolion wedi’u dryllio. Yn gysylltiedig â’r gweithiau mawr hyn, mae clwstwr o weithiau bach ar bapur, Museum Menageries, yn dangos hybridiau o weithiwr dynol a pheiriannau, lle mae Pachpute yn siarad â chymhlethdod parhaus trawsnewidiadau hanesyddol ar lwyfan economaidd, cymdeithasol ac amgylcheddol.