Fel elusen gofrestredig, mae Artes Mundi yn dibynnu ar haelioni cefnogwyr a noddwyr ac mae eich ymgysylltiad hanfodol â’r hyn a wnawn yn sicrhau y gallwn barhau â’n gwaith gydag artistiaid a chymunedau.

Mae gan Artes Mundi enw da yn rhyngwladol am ragoriaeth, gan feithrin partneriaethau gwaith newydd gyda sefydliadau celfyddydol cenedlaethol a rhyngwladol a chydweithio ag eraill ledled y DU a thramor, tra bod rhaglenni dysgu ac allgymorth yn creu cyfres amrywiol ac eang o gyfleoedd i’r cyhoedd a chymunedau ar draws Caerdydd a Chymru benbaladr.

Rydym yn gweithio’n galed er mwyn codi bron i £3 am bob £1 a gawn o arian cyhoeddus.

Os ydych yn unfryd â ni ynghylch y rhan hanfodol y gall ac y mae celf yn ei chwarae yn ein bywydau, yna beth am ystyried cefnogi ein gwaith.

Mae nifer o ffyrdd y gall eich haelioni wneud gwahaniaeth. Mae cymryd rhan yn sicrhau bod Artes Mundi yn parhau i gael effaith barhaol. Mae eich cefnogaeth a’ch anogaeth yn ein galluogi i barhau i ddarparu mynediad i’r gelfyddyd weledol gyfoes ryngwladol orau i bawb, tra’n cynnwys cymunedau ym mhopeth a wnawn yn rhad ac am ddim.