Gwobr Brynu Artes Mundi Ymddiriedolaeth Derek Williams
Edefyn arall o’n gweithgarwch sy’n gysylltiedig â’n harddangosfa eilflwydd yw Gwobr Brynu Artes Mundi Ymddiriedolaeth Derek Williams. Gan weithio ochr yn ochr â’n partner, Amgueddfa Genedlaethol Caerdydd, a beirniad gwadd, nod y wobr hon yw prynu gwaith ar gyfer Amgueddfa Cymru gan un o’r artistiaid sydd wedi cyrraedd y rhestr fer. Fel y cyfryw, mae’n creu gwaddol parhaol tuag at ddechrau casgliad cenedlaethol o gelf weledol gyfoes ar gyfer Cymru.
